1 Bisa onu fɔle bita Saate nwu;

kasɔ kamuu, bisa sinu bita Saate nwu.

2 Bisa sinu bita Saate nwu, bitansa leyooto nɔɔ;

biyie didiki nɔɔ lɛkya dii biala.

3 Bidiki lɛkpa nɔɔ bibuɛ di nnle nwu kamɛ,

ablasaa nɔɔ ya niɛbla ni ɔkpɛ di batii bamuu kamɛ.

4 Diekye Saate nwu lemuɔ ɛɛtɛ eesiɛko ni katansa nwaa;

dikaatɛ man-yɛkɛ nwɔ manlenkee afiɔ amuu.

5 Diekye nnle afiɔ amuu nle afatii,

kafɔɔ Saate nwu niɛbla osi.

6 Dibu ku sɛka nte nwɔ di anu;

osie ku sɛlɛ nte di lɛkpaayo klekle nɔɔ kamɛ.

7 O nnle nfaabi, biyɔ bita Saate nwu,

biyɔ dibu ku osie bita Saate nwu.

8 Biyɔ dibu le niesiɛko ni Saate nwu bita leyooto nɔɔ;

biyɔ asaaɔta biwako, biɛwa di akpata nɔɔ kamɛ.

9 Bisumu Saate nwu ku dibu di leklekle nɔɔ kamɛ;

kasɔ kamuu, bitũtũkũ di anu nɔɔ.

10 Bibuɛ di nnle nwu mmuu kamɛ bilɛ, Saate nwu kole sika."

Ɛɛtɛ kayi nwu kpinkpĩ, klaafuo ɔkpa;

abakanko batii nwu kyɛkyɛ.

11 Bita osi anya suoto lɛyɔɔ, biɛta kasɔ kapɔ;

bita lekpo ku asaa ya amuu ninsi ni kaamɛ adiki kanya;

12 bita afe ku lɛsaa biala kaamɛ nɔɔ anya suoto lɛyɔɔ.

Ni lepoo kamɛ awoso amuu kamasa sinu ampɔ;

13 babasa sinu di Saate nwu anu, diekye ɔɔwa,

ɔɔwa abakanko kasɔ nwu.

Abakanko kayi di ɔsaabla tinini kamɛ

ku batii nwu di onukwale nɔɔ kanya.