Dawid onu. Osuku bakyɛntɛ onu.

1 Nse fɛ diele Saate nwu ninkpe di kakyɛ loo-

bita Israel abuɛ alɛ-

2 nse fɛ diele Saate nwu ninkpe di kakyɛ loo

di obe wɔ di batii ladieko wo nii,

3 obe wɔ di ɔblɔ lɛma lataka ni di suoto loo,

see baamɛ wo ku nkpa;

4 see ntu oyii nwu layɔ wo,

see okle ntu kplɛ nwu lafiɛ wo diafenko,

5 see atukɛ nwu lafiɛ wo aasifiko.

6 Katansa baata Saate nwu,

nnwɔ ninanta babɛbɛɛ wo ni ku anyɛɛ lɛma.

7 Biatoso fɛle kansiɛ wɔ

niedie ni di okũ kyɔɔtɛ okũ;

batoofefee okũ nwu,

ni buatoso nɛ.

8 Lɛkyakaako loo nsi di Saate nwu leyooto kamɛ,

osi ku kasɔ Blatɛ.