Salmos 126

Ɔlaa Ɔpɛ Diɛta Ni Didiki

Osuku bakyɛntɛ onu.

1 Obe wɔ di Saate nwu lakplesa mba baamufũ ni di kakpɛ kamɛ aawako ni Sion,

buate fɛle batii ba niasɛ ni alaafɔ.

2 Nnya loo layii ku sɛma pɔ,

sɛkplalomii loo ku suoto lɛyɔɔ sinu.

Ni baabuɛ di nnle nwu kamɛ alɛ,

"Saate nwu lɛbla asaa kplɛ ɛɛta ma."

3 Saate nwu lɛbla asaa kplɛ ɛɛta wo,

nioso suoto lɛyɔɔ leyii wo kamɛ pɔ.

4 O Saate, kplesa lɛlɛ loo fata wo,

fɛle seklenyii di Kala kasɔ Ɔfaafuu.

5 Mba niapɛ ni asaa ku nnumɛɛ

matɛsɛ nya ku suoto lɛyɔɔ sinu.

6 Nnwɔ nindie ansifi ni ku kaku

antuka ni alesaa kubi alɛ ɔɔlaapɛ ni,

makple anwa ku suoto lɛyɔɔ sinu,

atuka ni kamɔɔ nɔɔ niile ɔɔwako nii.