Salmos 142

Ɔlaa Ɔpɛ Diɛta Ni Lɛkyakaako

Dawid onu maskil.*6:0 Dite fɛle onu lɛsambi lewo dile Di obe wɔ aasiɛ ni di ofuɔntuu kamɛ.

1 Lawi osie kanya lalɛɛ Saate nwu;

latakatɛ sɛlɔ nii katoo lalɛɛ Saate nwu diɛta ni nyaami ɔnya.

2 Lediki sɛlaa nii lɛtɛ nwɔ di anu;

anu nɔɔ lɛtɔkɔ nwɔ dibuo nii.

3 Nse ɔnyɛɛ koloo mi kaamɛ nii,

afɔ ninle nnwɔ nin-ye ni osuku nii.

Di nkpaa osuku wɔ ninfe ni

batii lɛkyɔɔ mi dikyĩ di lewofa kamɛ.

4 Nyu oletanɛɛkyɛ nii faanya;

otii kuonwii diɛyɔ nwu ole di suoto nii.

Nnaa katanikokɔ;

kuonwii dieklesĩ di nkpa nii suoto.

5 O Saate, kowi nlɛɛ fɔ;

kobuɛ nlɛ, "Afɔ ninle katanikokɔ nii,

kalekɔ nii di nkpa batii kasɔ suoto."

6 Kyɔɔ kaku nii atoko,

diekye diefĩ mi osie kanya;

diki mi di mba nintikanko mi ni nnɛɛ,

diekye beesii mi osie.

7 Diki mi di leyo katenkɔ nii,

alɛ katansa leyooto lɛfɔ.

Ni batininitɛ mamana mi mankyi

ta sifutulɛ lɛfɔ se feele mi ni oso.