Yaa Nsiko Wo
1 Yaa ninle katanikokɔ ku osie loo,
akpe ankyakaako ni di dibuo obe kamɛ.
2 Nioso bulɔbayɛkɛ, kuntɛ kasɔ letũkũ
di abokote kafɔɔ lewisi eebuo di lɛkpo ntɛɛntɛɛ,
3 kuntɛ ntu nimi kɔpɛ ku afuuta
di abokote kafɔɔ letũkũ ku osie lɛnya. Yila kɛɛkɛ
6 Nnle nsi di difu kamɛ, sɛka nlekɔ kobiɛ;
antakatɛsa sɛlɔ nɔɔ katoo, kasɔ nnyanakĩi.
10 "Bisiɛ kloklo, bietofo kafɔɔ bilɛ ami ninle Yaa;
babatakatɛsa mi katoo di nnle nwu kamɛ,
babatakatɛsa mi katoo di kasɔ nwu suoto."