സങ്കീർത്തനങ്ങൾ 37:5,7,23-25

Em outras traduções

1. MAL Bíblia Sagrada Malaiala 1910 - Revisada (Escrita Contemporânea)

   5 നിന്റെ വഴി യഹോവയെ ഭരമേല്പിക്ക;

   അവനിൽ തന്നേ ആശ്രയിക്ക; അവൻ അതു നിർവ്വഹിക്കും.

   7 യഹോവയുടെ മുമ്പാകെ മിണ്ടാതെയിരുന്നു അവന്നായി പ്രത്യാശിക്ക;

   കാര്യസാധ്യം പ്രാപിക്കുന്നവനെയും ദുരുപായം പ്രയോഗിക്കുന്നവനെയും കുറിച്ചു നീ മുഷിയരുതു.

   23 ഒരു മനുഷ്യന്റെ വഴിയിൽ പ്രസാദം തോന്നിയാൽ

   യഹോവ അവന്റെ ഗമനം സ്ഥിരമാക്കുന്നു.

   24 അവൻ വീണാലും നിലംപരിചാകയില്ല;

   യഹോവ അവനെ കൈ പിടിച്ചു താങ്ങുന്നു.

   25 ഞാൻ ബാലനായിരുന്നു, വൃദ്ധനായിത്തീർന്നു;

   നീതിമാൻ തുണയില്ലാതിരിക്കുന്നതും

   അവന്റെ സന്തതി ആഹാരം ഇരക്കുന്നതും ഞാൻ കണ്ടിട്ടില്ല.

2. OMCV Versão Contemporânea Aberta em Malaiala

   5 നിന്റെ വഴി യഹോവയെ ഭരമേൽപ്പിക്കുക;

   യഹോവയിൽത്തന്നെ ആശ്രയിക്കുക, അവിടന്നു നിന്നെ സഹായിക്കും:

   7 യഹോവയുടെ സന്നിധിയിൽ മൗനമായിരിക്കുക

   അവിടത്തേക്കായി ക്ഷമാപൂർവം കാത്തിരിക്കുക;

   അധർമം പ്രവർത്തിക്കുന്നവർ തങ്ങളുടെ വഴികളിൽ മുന്നേറുമ്പോൾ അസ്വസ്ഥരാകേണ്ടതില്ല,

   അവർ തങ്ങളുടെ കുതന്ത്രങ്ങൾ പ്രാവർത്തികമാക്കുമ്പോഴും.

   23 യഹോവയിൽ ആനന്ദിക്കുന്നവരുടെ

   ചുവടുകൾ അവിടന്ന് സുസ്ഥിരമാക്കുന്നു;

   24 അവരുടെ കാൽ വഴുതിയാലും അവർ വീണുപോകുകയില്ല,

   കാരണം യഹോവ അവരെ തന്റെ കൈകൊണ്ടു താങ്ങിനിർത്തുന്നു.

   25 ഞാൻ യുവാവായിരുന്നു, ഇപ്പോൾ വൃദ്ധനായിരിക്കുന്നു;

   എന്നിട്ടും നാളിതുവരെ നീതിനിഷ്ഠർ പരിത്യജിക്കപ്പെടുന്നതോ

   അവരുടെ മക്കൾ ആഹാരം ഇരക്കുന്നതോ ഞാൻ കണ്ടിട്ടില്ല.