Isaías 66

Mulungu kowatagusa wanhu wa zisi zimwenga

1 Mndewa Mulungu kolonga,

"Ulanga niicho chigoda changu cha chifalume

na isi niicho chigoda cha kwikila magulu yangu.

Vino mweye mwizanizengela kaye ilingile vilihi hanhu hondanihumule?

2 Niye mwenyewo nivitenda vinhu ivo vose,

iviya vinhu vose vangu.

Mbali nomgesa munhu nyondenyonde yeli na usungu,

munhu yogudemeka kwa kudumba viyohulika mbuli yangu.