יְשַעְיָה 31

1 װײ, די װאָס נידערן קײן מִצרַיִם נאָך הילף,

און אױף פֿערד פֿאַרלאָזן זײ זיך;

און זײ פֿאַרזיכערן זיך אױף רײַטװעגן, װײַל זײ זײַנען פֿיל,

און אױף רײַטער, װײַל זײ זײַנען מאַכטיק זײער;

און זײ קערן זיך נישט צו דעם הײליקן פֿון יִשׂרָאֵל,

און ה׳ טוען זײ נישט זוכן!

2 אָבער פֿאַר װאָר, ער איז קלוג, און ער ברענגט דאָס בײז,

און זײַנע װערטער טוט ער נישט אָפּ.

און ער װעט אױפֿשטײן קעגן הױז פֿון די שלעכטסטוער,

און קעגן דער הילף פֿון די װאָס װערקן אומרעכט.