Sálumu 27

Aburemei Nilanpunbei luma Nesefuragüle

1 Nabureme Bungiu, nilanpunbei

ligía giñe nesefuragülebei,

kábagia uei nanufudeda?

Sefu lumuti Aburemei nibagari,

kaba uei nanufudeda?

2 Óundaraguatiña, náganiñu, wuribatiña,

lun hagayuahan nuagun luma lun hagünrinchagunina,

gama lumoun hagía achugeragubaña aba héiguadun.

3 Íbini hegeyedagun saragu súdara nau,

manufudedunboun nanigi,

íbini haranserun lun hawuribuhan numa, darangilañunuba.