Isaya 66

Magazo na ulohozi

1 Mkulu Nguluwi kangulonga hino,

"Ulanga ndo chigoda cha heni cha undewa,

isi ndo honhu ha kuwichila magulu ga heni.

Lelo, monzenjela ng’handa ilindaze?

Kuli honhu hachi hawele ndoweza kwesela?

2 Heni ndo ndividitile vinhu avi vyeng’ha,

avi vyeng’ha ndo vya heni.

Ila ndolajila uganililo kwa munhu yalingunyenyetela,

na yalingulonga gehile ga heye,

yalingukakama hala hoyohulika ulonzi wa heni.