Isaya 31

Misili haizadaha kuwataza Waisilaili

1 Wezagaya waja wohita Misili kupula kutazigwa,

wezagaya wohuwila falasi,

wohuwila matololi mengi yobululigwa na falasi,

na nguvu za wakwelafalasi,

nawo hawamuhuwila Mulungu Yelile wa Isilaili,

hawampula Mndewa Mulungu yawataze.

2 Mulungu kana ubala na kodanganiza,

hagalula chiyolonga, mbali kaisasala kuwatagusa wanhu wotenda mbuli zihile,

hamwe na wanhu wowataza.