Salmos 103

8 Areidati Aburemei, gudemehabu ligia;

gaguraasunti giñe hínsiñehabu ligía.

9 Madeinhanti woun sagü dan,

madurati giñe ligañi lun súnwandan;

10 mabeichun lumutiwa Bungiu keisi le wadünabei

mafayeihángüdalawa luagu wariban luma wafigoun;

11 wéiriti línsiñehabu houn ha inebehabubaña

ítara kéisigubeirügü lueirin sielu lóugiñe múa.

12 Dísegüda laali wafigoun wawéi,

kei ladisedagüdüni labouchagüle weyu luéi lálüdagüle.