Dawid onu.

1 Kasɔ ku asaa ya amuu nin-yɛ ka ni di suoto nle Saate nwu ale,

kayi kamuu ku mba ninsi ka ni di suoto;

2 diekye nnwɔɔ niabla nya di lekpo suoto

ni aayɔ nya aase di ntu suoto nɛ.

3 Owe nimakata Saate nwu kobokote?

Owe nimayila di kakleklekɔ nɔɔ nwu?

4 Otii wɔ di nnɛɛ nɔɔ leklekle ni di otu nɔɔ kamɛ lɛkpa ni,

nnwɔ ninayɔ ɔkla nɔɔ atika ni di afiɔ suoto

ee aka ni atam di asaa ya ninle ni sɛlaa ku afunu.

5 Nnwɔɔ nimafũ lɛyɔɔ ankyeko Saate nwu nfũ

ku lɛbɛ ankyeko Yaa, dikitɛ nɔɔ nfũ nɛ.

6 Nkpo ninle ana ya ninwolaa nwɔ ni,

manwolaa ni Yakob Yaa anu nɛ. Yila kɛɛkɛ

7 O aye n-yoko, bitakatɛsa asi lee katoo;

aye bakofo akloo, bitaka biyila,

alɛ dibu Ɔka nwu kabuo kaamɛ.

8 Owe ninle dibu Ɔka nwu?

Saate nwu sientɛ ku sekambi,

Saate nwu ku sɛkambi di kakpɛ kamɛ.

9 O aye n-yoko, bitakatɛsa asi lee katoo;

aye bakofo akloo, bitaka biyila,

alɛ dibu Ɔka nwu kabuo kaamɛ.

10 Owe di dibu Ɔka wɔ mmle nle?

Saate wɔ Ninlenke nii-

nnwɔɔ ninle dibu Ɔka nwu nɛ. Yila kɛɛkɛ