Onu. Kuɔta ni sinutuotɛ. Basa nwu ku sikũ sanku.

1 Yaa ale wo sibualɛ aawii wo lɛyɔɔ kafɔɔ

aata kafɔɔ anu nɔɔ akpa akpete wo, Yila kɛɛkɛ

2 alɛ baatofo sisuku lɛfɔ kaasɔ suoto,

didiki lɛfɔ nwu di nnle mmuu kamɛ.

3 O Yaa, ta batii nwu batansa fɔ;

ta batii nwu bamuu batansa fɔ.

4 Bita nnle nwu bapɔ, baasa suoto lɛyɔɔ sinu kafɔɔ,

diekye foole sɛka di batii suoto di osuku kanya

fɔɔkpaa kafɔɔ nnle nwu kaasɔ suoto. Yila kɛɛkɛ

5 O Yaa, ta batii nwu batansa fɔ;

ta batii nwu bamuu batansa fɔ.

6 Ni kasɔ nwu kamalɛ alesaa ninya,

ni Yaa, Yaa loo, mawii wo lɛyɔɔ.

7 Yaa mawii wo lɛyɔɔ,

ni kasɔ nyɛntɛlekɔ nwu mmuu kafɔɔ mayɛkɛ nwɔ.