1 Saate nwu atũna ata fɔ di obe wɔ fasi ni di nimiina kamɛ;

Yakob Yaa leyooto nwu ditĩi fɔ.

2 Aata lɛkyakaako dikye kakleklekɔ nwu

aata fɔ osie kukye Sion.

3 Aanyuma oleɔta lɛfɔ omuu

aafũ kafɔɔ ofiɛ asaaɔta lɛfɔ. Yila kɛɛkɛ

4 Aata fɔ otu lɛfɔ kamɛ dibiesaa,

aata disibu lɛfɔ nimuu kafɔɔ diwa kaanya.

5 Bubanya suoto lɛyɔɔ nse feelenkee,

muntakatɛsa baflankaa loo katoo kafɔɔ di Yaa loo leyooto kamɛ.

6 Nunua nfɛ n-ye nlɛ Saate nwu ndiki nnwɔ ɛɛpɛ ni ɔfɔɔ;

annu nwɔ ɔlaa di osi klekle nɔɔ nwu

ku koletanɛɛ nɔɔ nwu osie didiki.

7 Batii bawo nkanta di bakeke ba di bapɔnkɔ nnanfi ni, bawo kafɔɔ di bapɔnkɔ,

kafɔɔ awo munkanta di Saate nwu, Yaa loo leyooto kamɛ.

8 Babanɔɔ mampɛ kaasɔ,

kafɔɔ awo bubataka munyila kpinkpĩ.

9 O Saate, diki ɔka nwu!

Tuna fata wo, nse buɔlɛɛ fɔ!