Dawid onu. miktam.*53.0 Dite fɛle onu lɛsambi lewo dile Kuɔta ni sinutuotɛ. Basa nwu di "Bitanwɔɔsa" kanya. Di obe wɔ aatoso ni di Saulo nfũ aasifi ni ofuɔntuu kamɛ.

1 Nyɛɛ nyaami, O Yaa, nyɛɛ nyaami,

diekye afɔ kamɛ di ɔkla nii ntaniko.

Mataniko di afoko lɛfɔ kunyii kamɛ

diɛlaase di obe wɔ di anyale nwu ntoofe nii.

2 Lawi lalɛɛ Yaa wɔ Niɛtaka Katoo Alenke ni,

lata Yaa, nnwɔ nimbla ni di ɔlaa nɔɔ suoto antɛɛ nii.

3 Ankyesee lɛkyakaako ninkye osi kafɔɔ nimadiki mi,

ansĩ ɔlaa anta batii ba nintikako mi ni osie kanya; Yila kɛɛkɛ

Yaa nkyesee lɛbɔmbɔ nɔɔ ku onukwale nɔɔ.

4 Nsi di bakyata ntɛɛ;

nte di bakɔkɛɛ ba di aka nkle ni yakayaka kamɛ-

batii ba anyɛɛ ninle ni akplɔ ku ataa,

di sɛkplalomii lɛma nle ni mpamii blɛblɛ.

5 O Yaa, takatɛsa suoto katoo falenkeesa osi;

ta lɛkpa lɛfɔ difũ kasɔ kamuu.

6 Beefukuti asawu bɛɛta nkpaa nii-

baawakosa mi kasɔ di nimiina kamɛ.

Baakutu dibiɔ di osuku nii-

kafɔɔ batɔɔkpa beebuo ni kaamɛ mma bamu. Yila kɛɛkɛ

7 Otu nii n-yɛ kekleke, O Yaa,

otu nii n-yɛ kekleke;

kamasa sinu ku sɛlɔ mɛnɛmɛnɛ.

8 Sɛnkɛ, ɔkla nii!

Bisɛnkɛ, sanku ku kyitaa!

Kolesɛtũ kamasɛnkɛ.

9 O Saate, matansa fɔ di nnle kamɛ;

masa sinu di suoto lɛfɔ di batii nwu kamɛ.

10 Diekye lɛbɔmbɔ lɛfɔ lemuɔ, diɛlaadu osi;

onukwale lɛfɔ ndu kolo.

11 O Yaa, takatɛsa suoto katoo falenkeesa osi;

ta lɛkpa lɛfɔ difũ kasɔ kamuu.