1 O Saate, afɔ lɛtaniko;

tanta sinunsɔ lakpɛ mi diidii;

diki mi di ɔsaabla tinini lɛfɔ nwu kamɛ.

2 Munikĩisa kotoko lɛfɔ fakyɔɔ mi,

wa wla fabadiki mi;

le katanikokɔ nii difuɔnkpaa,

kɔba siene ko nimadiki mi nii.

3 Di afɔ ninle mi ni difuɔnkpaa ku kɔba oso yi,

ta leyooto lɛfɔ oso, le katũ faakpaa mi.

4 Diki mi di okũ wɔ bɛɛkyɔɔ mi ni,

diekye afɔ ninle mi katanikokɔ.

5 Nnɛɛ lɛfɔ lɛyɔ ninwuna nii lekpee;

O Saate, onukwaletɛ Yaa, diki mi.