1 א   לדוד    אליך יהוה נפשי אשא br

2 ב   אלהי--בך בטחתי אל-אבושה    אל-יעלצו אויבי לי br

3 ג   גם כל-קויך לא יבשו    יבשו הבוגדים ריקם br

4 ד   דרכיך יהוה הודיעני    ארחותיך למדני br

5 ה   הדריכני באמתך ולמדני--    כי-אתה אלהי ישעי br אותך קויתי    כל-היום br

6 ו   זכר-רחמיך יהוה וחסדיך    כי מעולם המה br

7 ז   חטאות נעורי ופשעי--    אל-תזכר br כחסדך זכר-לי-אתה--    למען טובך יהוה br

8 ח   טוב-וישר יהוה    על-כן יורה חטאים בדרך br

9 ט   ידרך ענוים במשפט    וילמד ענוים דרכו br

10 י   כל-ארחות יהוה חסד ואמת--    לנצרי בריתו ועדתיו br

11 יא   למען-שמך יהוה    וסלחת לעוני כי רב-הוא br

12 יב   מי-זה האיש ירא יהוה--    יורנו בדרך יבחר br

13 יג   נפשו בטוב תלין    וזרעו יירש ארץ br

14 יד   סוד יהוה ליראיו    ובריתו להודיעם br

15 טו   עיני תמיד אל-יהוה    כי הוא-יוציא מרשת רגלי br

16 טז   פנה-אלי וחנני    כי-יחיד ועני אני br

17 יז   צרות לבבי הרחיבו    ממצוקותי הוציאני br

18 יח   ראה עניי ועמלי    ושא לכל-חטאותי br

19 יט   ראה-איבי כי-רבו    ושנאת חמס שנאוני br

20 כ   שמרה נפשי והצילני    אל-אבוש כי-חסיתי בך br

21 כא   תם-וישר יצרוני    כי קויתיך br

22 כב   פדה אלהים את-ישראל--    מכל צרותיו