1 א   תפלה לדוד br הטה-יהוה אזנך ענני--    כי-עני ואביון אני br 2 ב   שמרה נפשי    כי-חסיד אני br הושע עבדך אתה אלהי--    הבוטח אליך br 3 ג   חנני אדני    כי אליך אקרא כל-היום br 4 ד   שמח נפש עבדך    כי אליך אדני נפשי אשא br 5 ה   כי-אתה אדני טוב וסלח    ורב-חסד לכל-קראיך br 6 ו   האזינה יהוה תפלתי    והקשיבה בקול תחנונותי br 7 ז   ביום צרתי אקראך    כי תענני br 8 ח   אין-כמוך באלהים אדני    ואין כמעשיך br 9 ט   כל-גוים אשר עשית--יבואו וישתחוו לפניך אדני    ויכבדו לשמך br 10 י   כי-גדול אתה ועשה נפלאות    אתה אלהים לבדך br 11 יא   הורני יהוה דרכך--    אהלך באמתך br יחד לבבי    ליראה שמך br 12 יב   אודך אדני אלהי--בכל-לבבי    ואכבדה שמך לעולם br 13 יג   כי-חסדך גדול עלי    והצלת נפשי משאול תחתיה br 14 יד   אלהים זדים קמו-עלי    ועדת עריצים בקשו נפשי br ולא שמוך    לנגדם br 15 טו   ואתה אדני אל-רחום וחנון    ארך אפים ורב-חסד ואמת br 16 טז   פנה אלי וחנני    תנה-עזך לעבדך והושיעה לבן-אמתך br 17 יז   עשה-עמי אות    לטובה br ויראו שנאי ויבשו--    כי-אתה יהוה עזרתני ונחמתני