1 א   ישב בסתר עליון    בצל שדי יתלונן br 2 ב   אמר--ליהוה מחסי ומצודתי    אלהי אבטח-בו br 3 ג   כי הוא יצילך מפח יקוש    מדבר הוות br 4 ד   באברתו יסך לך--ותחת-כנפיו תחסה    צנה וסחרה אמתו br 5 ה   לא-תירא מפחד לילה    מחץ יעוף יומם br 6 ו   מדבר באפל יהלך    מקטב ישוד צהרים br 7 ז   יפל מצדך אלף--ורבבה מימינך    אליך לא יגש br 8 ח   רק בעיניך תביט    ושלמת רשעים תראה br 9 ט   כי-אתה יהוה מחסי    עליון שמת מעונך br 10 י   לא-תאנה אליך רעה    ונגע לא-יקרב באהלך br 11 יא   כי מלאכיו יצוה-לך    לשמרך בכל-דרכיך br 12 יב   על-כפים ישאונך    פן-תגף באבן רגלך br 13 יג   על-שחל ופתן תדרך    תרמס כפיר ותנין br 14 יד   כי בי חשק ואפלטהו    אשגבהו כי-ידע שמי br 15 טו   יקראני ואענהו--עמו-אנכי בצרה    אחלצהו ואכבדהו br 16 טז   ארך ימים אשביעהו    ואראהו בישועתי