दुष्टेरे ज़िरिये ज़ुलम ते परमेशरेरे ज़िरिये कायम कियूं गानू
प्रधान बज़ानेबालेरे लेई खर्ज रागे पुड़ दाऊदेरू भजन
1 हे यहोवा, इश्शी मद्दत केर, किजोकि कोई भी भक्त नईं राहोरो;
ते ईमानदार लोक गाईब भोइ जेवरेन।
2 हर मैन्हु अपने-अपने पुड़ोसन सेइं झूठी गल्लां ज़ोते;
तैना ओठन सेइं चापलूसी ते दोगली गल्लां केरतन।
3 यहोवा सेभी झूठी ज़िभन
ज़ैन सेइं बेड़ि-बेड़ि गल्लां निस्चन केट्टी छ़डेलो।
4 तैना ज़ोतन, "असां अपने ज़िभी सेइं ज़ींतमेले,
इश्शे ओठ इश्शे बस्से मां आन; इश्शो मालिक कौने?"
5 गरीबां केरे लुट्टोने ते गरीबां केरे कर लानेरे वजाई सेइं,
यहोवा ज़ोते, "हुनी अवं खड़ो भोइलो, ते ज़ैस जो
तैना ज़ोतन तैस चैन ते आराम देलो।"
6 यहोवारू वचन पवित्रे,
तैस चैंदरे बराबर ज़ै भेट्ठरी मित्ती मां तेवरी भोए
ते सत्ते फेरेईं साफ कियोरी भोए।
7 हे यहोवा तूए तैन केरि12:7 तैन केरि इश्शी हिफाज़त केरेलो,
ते तूए तैन बुरे लोकन करां हमेशा तगर बच़ेइतां रखेलो।
8 ज़ैखन मैन्हन मां बुरैइअरी आदर भोचे,
त बुरे लोक ठाठी सेइं च़लतन फिरतन।