13 किजोकि तीं मेरे एंत्रीं अंग बनेवरेन139:13 बनेवरेन हिफाज़त कियोरीए;
तीं अवं अम्मरे पेटे मां बनाव।
14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,
तेरां कम्मां त हैरान केरनेबालन,
ते अवं एन रोड़ेच़ारे ज़ानताईं।
15 मेरो ढांचो तीं करां छ़पोरो न थियो,139:15 मेरे अम्मरे पेटेरे आंधरे मां
ज़ैखन अवं खुफिया ठैरी बनेवरो थियो,
तैखन मेरी हेड्डी तीं करां छ़ेपोरी न थी।
16 तेरी एछ़्छ़ेईं अवं तैखने लाहोरो थियो,
ते मेरे सब अंग ज़ैना रोज़ बनते गाते थिये तैना बन्ने करां पेइले
तेरी किताबी मां लिखोरे थिये।
17 हे परमेशर, मेरे लेई त तेरे खियाल केत्रे बड़े कीमती आन!
तैन केरि तैधातरो जोड़ केत्रो बड्डोए।
18 अगर अवं तैन गेनि बटेथो त तैना रेती करां भी जादे निसने थिये,
ज़ैखन अवं बींझताईं, त तैखन भी तीं सेइं साथी रहताईं।