परमेशरेरे मुक्तरे लेई इंतज़ार
यदूतूनेरे रागे पुड़ बज़ानेबालां केरे प्रधानेरे लेई दाऊदेरू भजन।
1 सच़्च़े मीं च़ुपच़ाप भोइतां परमेशरेरे पासे मन लेवरोए
मेरी मुक्ति तैसेरे तरफां भोतीए।
2 सच़्च़े तैए, मेरी चट्टान ते तैए मेरी मुक्ति आहे,
ते तैए मेरो क़िलोए अवं कधी न बिछ़ड़ेलो।
3 तुस केइस तगर तैस एक्‍की मैन्हु पुड़ हमलो केरते राले,
कि सब मिलतां तैस मारा?
तै त डुलने बाले दिवारारो ज़ेरो या बिछ़ड़ते बाड़ेरो ज़ेरोए।
4 सच़्च़े तैना तैसेरे तैस उच्‍ची ठारारां बिछ़ोड़नेरी योजना बनातन;
तैना झूठे सेइं जादे खुशी रहतन।
ऐशी सेइं तैना बरकत देतन पन अन्तरां तैना लानत केरतन। (सेला)
5 हे मेरे मन, परमेशरेरे सामने च़ुपच़ाप रा,
किजोकि मेरी उमीद तैस्से सेइं आहे।
6 सच़्च़े तैए मेरी चट्टान, ते मेरी मुक्ति आहे,
ते तैए मेरो गढ़े, एल्हेरेलेइ अवं न बिछ़ड़ेलो;
7 मेरी मुक्ति ते मेरी आदर परमेशरेरे तरफां आहे;
ते मज़बूत चट्टान, ते मेरी छ़पनेरी ठार परमेशरे।
8 हे लोकव, हर वक्त परमेशरे पुड़ भरोसो रखा;
ते तैस सेइं अपने-अपने मनेरी गल्‍लां खोलतां ज़ोथ;
परमेशर इश्शे छ़पनेरी ठारे। (सेला)
9 सच़्च़े नीच़ लोक त किछ वक्तेरे आन, ते बड़े लोक झूठेन;
तोले मां तैन पोल्‍ले निस्सतन;
तैना सभेरे सब शाहे करां भी पोल्‍ले आन।
10 ज़ुलम केरने पुड़ भरोसो न केरा,
च़ोरी केरने पुड़ घमण्ड न केरा;
ते अगर दौलत बेधी गाए त तैस पुड़ मन नईं लानो।62:10 मत. 19:21-22;1 तीम. 6:17.
11 परमेशरे एक्‍की बार ज़ोवं;
ते दूई बार मीं इन शुनू:
कि सामर्थ परमेशरेरी आहे।
12 ते हे प्रभु, करुणा भी तेरी आहे,
किजोकि हर कोन्ची तू तैस्सेरे कम्मेरे मुताबिक बदलो देतस।62:12 दान. 9:9;मत. 16:27;रोम. 2:6;प्रका. 22:12.