भजन संहिता 78

परमेशर ते तैसेरे लोक

1 हे मेरे लोकव, मेरी शिक्षा शुना;

मेरे गल्‍लां केरे पासे ध्यान देथ!

2 अवं अपनि ज़बान कहावतां ज़ोनेरे लेई खोलेलो;

अवं पुराने ज़मानेरी छ़ेपोरी गल्‍लां बियान केरेलो।✝78:2 मत. 13:35.

3 ज़ैना गल्‍लां असेईं शुनी, ते असन पतो लग्गो,

ते इश्शे दादे पड़दादेईं असन सेइं ज़ोवं।

4 तैन अस अपने खानदाने करां छ़ुपेइतां न रखमेले,

पन एजने बैली पीढ़रे लोकन करां,

यहोवारी तारीफ़ ते तैसेरी शक्ति

ते चमत्कारां केरे बारे मां ज़ोमेले।✝78:4 व्यव. 4:9;यहो. 4:6-7;इफि. 6:4.