13 किजोकि तीं मेरे एंत्रीं अंग बनेवरेन*;

तीं अवं अम्मरे पेटे मां बनाव।

14 अवं तेरू शुक्र केरेलो, एल्हेरेलेइ कि अवं भयानक ते अद्भुत तरीके सेइं बनाव जेवरोईं,

तेरां कम्मां त हैरान केरनेबालन,

ते अवं एन रोड़ेच़ारे ज़ानताईं।

15 मेरो ढांचो तीं करां छ़पोरो न थियो,*

ज़ैखन अवं खुफिया ठैरी बनेवरो थियो,

तैखन मेरी हेड्डी तीं करां छ़ेपोरी न थी।

16 तेरी एछ़्छ़ेईं अवं तैखने लाहोरो थियो,

ते मेरे सब अंग ज़ैना रोज़ बनते गाते थिये तैना बन्ने करां पेइले

तेरी किताबी मां लिखोरे थिये।