भजन संहिता 51

4 मीं सिर्फ तेरे खलाफ पाप कियोरोए,

मीं तैन कम कियोरूए ज़ैन तेरी नज़री मां बुरूए,

ताके तू ज़ोने मां धर्मी

ते न्याय केरने मां बेकसूर भोस।✝51:4 लूक. 15:18,21;रोम. 3:4.

5 हेर, अवं अधर्मे मां ज़र्मो,

ते पापे सेइं अपने अम्मरे पेटे मां पेव।✝51:5 यूह. 3:6;रोम. 5:12;इफि. 2:3.

6 हेर, तू दिलेरी सच़्च़ैई सेइं खुशी भोतस;

ते मेरे मने मां ज्ञान शिखालेलो।

7 जूफा*51:7 जूफा जूफा अक निकड़ो पौदो भोतो थियो, ज़ै पानी ते खून लोकन पुड़ शुद्ध भोनेरे लेई छ़िड़कनेरे लेई इस्तेमाल कियो गातो थियो। निर्ग. 12:22; लैव्य. 14:1-7; गिन. 19:1-6, 16-19. सेइं तू मीं शुद्ध केर, त अवं पवित्र भोइ गेईं;

मीं धो, ते अवं हिव्वेंरो ज़ेरो बड़ो छ़ित्तो भोइलो।

8 मीं खुशरी ते आनन्देरी गल्‍लां शुना,

ज़ैस सेइं ज़ैना हेड्डी तीं ट्लोड़ोरिन, तैना

मघन भोइ गान।

9 अपनु तुत्तर मेरे पापन करां फिरा,

ते मेरे सारे अधर्म मिटा।