4 मीं सिर्फ तेरे खलाफ पाप कियोरोए,

मीं तैन कम कियोरूए ज़ैन तेरी नज़री मां बुरूए,

ताके तू ज़ोने मां धर्मी

ते न्याय केरने मां बेकसूर भोस।✝

5 हेर, अवं अधर्मे मां ज़र्मो,

ते पापे सेइं अपने अम्मरे पेटे मां पेव।✝

6 हेर, तू दिलेरी सच़्च़ैई सेइं खुशी भोतस;

ते मेरे मने मां ज्ञान शिखालेलो।

7 जूफा* सेइं तू मीं शुद्ध केर, त अवं पवित्र भोइ गेईं;

मीं धो, ते अवं हिव्वेंरो ज़ेरो बड़ो छ़ित्तो भोइलो।

8 मीं खुशरी ते आनन्देरी गल्‍लां शुना,

ज़ैस सेइं ज़ैना हेड्डी तीं ट्लोड़ोरिन, तैना

मघन भोइ गान।

9 अपनु तुत्तर मेरे पापन करां फिरा,

ते मेरे सारे अधर्म मिटा।