Забур жырлары 100

Әділ патшаның анты

1 (Дәуіттің жыры.)

Рақым мен әділдік жайлы ән шырқаймын,

Уа, Жаратқан, әніммен Сені мадақтаймын.

2 Мінсіз жүру жайлы мұқият ойлаймын,

«Қашан маған келесің?» деп сұраймын,

Таза жүрекпен үйімді*100:2 Яки: сарайымды (100:7). аралаймын.

3 Арам нәрселерге еш көз салмаймын,

Опасыздардың*100:3 Ош 5:2. істерін мүлдем ұнатпаймын,

Өзіме жабысуларына мүмкіндік бермеймін.

4 Азғын жүректіні қасымнан қуамын,

Зұлымдық атаулыдан аулақ боламын,

5 Өзгені құпия жамандайтынды жоямын,

Паң көзді, өркөкірекке төзе алмаймын.

6 Елдегі адалдарға назар аударамын,

Олар аман-есен қасымда тұра алсын,

Таза жүргендер ғана маған қызмет қылсын.

7 Ешбір алдамшы сарайымда тұрмайды,

Жалған сөйлеуші көз алдымда қалмайды.

8 Таң атқаннан зұлымның бәрін басамын,

Жаратқанның қаласынан сұмдарды құртамын.