Забур жырлары 52

Құдайсыздарды сақтандырып, сенушілерді жігерлендіру

1 (Ән-күйдің жетекшісіне арналған, «Ауыртпалық шегу» әуенімен айтылатын Дәуіттің насихат жыры.)

2 Ақылсыз адамдар «Құдай жоқ!» деп ойлайды,

Әбден бұзылған олар жексұрындық жасайды,

Әрі ешқайсысы да жақсылық жасамайды.

3 Құдай көктен көз салады адамзатқа:

«Ақылды біреу бар ма бет бұратын Құдайға?»

Деп байқайды Ол. 4 Жоқ, бәрі тайып кетті теріс жолға,

Әбден бұзылды бірігіп барлығы да.

Жақсылық жасаушы ешкім жоқ, тіпті бір жан да.

5 Сұмдық жасайтындар ақылға келмес пе екен?

Халқымды олар нан жегендей жалмап кеткен,

Құдайға сиыну ойларына еш түспеген.

6 Ал оларды қорқыныш құрсаулайтын болады,

Қауіп-қатер жоқ жерде үрейлері ұшады.

Тап берген жауыңның сүйектерін Құдай шашады,

Сен масқаралайсың Құдай бас тартқан оларды.

7 Құтқару Сионнан келсе екен Исраилге!

Құдай өз халқын тұтқыннан азат еткенде*52:7 Яки: өз халқына игіліктерін қайтадан сыйлағанда (13:7; Заң 30:3).

Жақыптың үрім-бұтағы қатты қуанады,

Иә, Исраил халқы шат-шадыман болады!