Забур жырлары 81

Әділетсіз билерге сот жүргізуші — Хақ Тағала

1 (Асафтың жыры.)

Құдай үлкен мәжілісін басқарады,

Сонда Ол билерге*81:1 Яки: билеушілер (сөзбе-сөз: тәңірлер) арасында. (Билер мен патшалар Құдайдың өкілдері болғандықтан кейде тәңір немесе Құдайдың (рухани) ұлы деп те аталатын: 2:7; 44:7; 81:6; Жар 6:2; Мыс 21:6; 22:8; Пат2 7:14.) үкім шығарады:

2 «Қашанғы әділетсіз үкім айтпақсыңдар,

Зұлымдарға оң қабақ танытпақсыңдар?

3 Жарлы мен жетімнің мүддесін қорғаңдар,

Бейшара кедейге әділдік жасаңдар!

4 Шарасыз бен мұқтажды құтқарыңдар,

Зұлымның шеңгелінен оны босатыңдар!»

5 Ештеңе ұқпастан, ештеңе білместен,

Қанаушылары түнекте жүріп келген,

Содан елдің бар негізі дірілдеген!

6 Былай деген едім: «Сендер құдайсыңдар,*81:6 Демек: Сендер Құдайдың өкілдерісіңдер (81:1-дегі түсініктемені қ.).

Бәрің Хақ Тағаланың рухани ұлысыңдар,

7 Дегенмен жай пендедей құрисыңдар,

Әрі әміршідей қаза табасыңдар».

8 Уа, Құдай, көтеріліп, жерді сотташы,

Сен иемденесің ғой бар халықтарды!