Забур жырлары 86

Құдайдың таңдаған қаласын қамқорлауы

1 (Қорахтың ұрпақтарының әні әрі жыры.)

2 Қала іргесін салды Құдай қасиетті тауда,

Сионның қақпалары ұнамдырақ Жаратқанға

Жақып ұрпағының барлық басқа тұрағынан да.

3 Уа, Құдайдың қаласы, сен жайында

Керемет жақсы жайттар айтылуда.

4 Өзімді танып білетіндер арасынан

Мысыр мен Бабыл елдерін атаймын,

Сондай-ақ філістір, Тир, Құш тұрғындарын:

«Бұлар — Сионда туғандар» деп санаймын.*86:4 Немесе: О, Рахаб (яғни Мысыр: 88:11) әрі Бабыл, філістір, Тир, Құш (яғни Нубия) елдері, Мені мойындайтындар жөнінде мынаны жазып қоямын: «Бұлар Сионда туған» (яғни олар Сионның азаматтары болып саналады: Иш 2:2-4; 45:14,22-24; 56:3,6-8; 60:1-4; Ест 8:17).

5 Жұрт былай демек Сион қаласы жайында:

«Осындай да осындай ер туған мұнда,

Қаланы Өзі бекіткен Құдай Тағала».

6 Жаратқан Ие тіркегенде халықтарды:

«Бұлар — Сионда туғандар» деп жазады.

7 Жұрт былай дер ән айтып, күй ойнаған кезде:

«Өмірімнің қайнар көздері бір Өзіңде».