Забур жырлары 94

Жаратқан Иені дәріптеп, Оған мойынсұнуға шақыру

1 Келіңдер, Жаратқан Иеге арнап

Әндетейік қуана-қуана жырлап,

Жартастай мықты Құтқарушымызға

Сиына берейік қатты дауыстап!

2 Бәріміз Иеміздің алдына барып,

Ризашылығымызды білдірейік,

Ән-күймен де Оған мақтау айтып,

Даңқын Оның асыра берейік!

3 Себебі Жаратқан Ие — ұлы Құдай дағы

Һәм ұлы Патша — бар «тәңір, пірден»*94:3 Немесе: бар жалған «тәңірлерден» (яки: тәңірсымақтардан) үстем Патша (Иш 44:10-20; 46:5-8; Ерм 10:11,14:15). тым жоғары!

4 Бәрі Оның қолында: жердің тұңғиықтары,

Әрі меншігі Оның — зәулім тау шыңдары,

5 Теңіз де Иеміздікі — Өзі соны жаратқан,

Құрлықтың барлығы да Оның қолынан шыққан!

6 Келіңдер, тағзым етейік Иемізге иіліп,

Жаратушымыздың алдында тіземізді бүгіп!

7 Себебі Өзі — біздің бірден-бір Құдайымыз,

Ал біз Оның бағып жүрген меншікті халқымыз

Әрі қамқорындағы отары сияқтымыз.*94:7 77:13.

Бүгін сендер Оның даусын естігенде,

8 Мерібада істегендерің секілді

Қасарыстырмаңдар жүректеріңді:

Ежелде айдалада жүрген кезде

Масадағы*94:8 Меріба деген жер атының мағынасы — «Ұрсу, бас көтеру», ал Масанікі — «Еркінсіп сынау» (Мыс 17:7). бас көтергендерің іспетті

Қайтадан солай істемеңдер енді!

9 Сендердің ата-бабаларың сол жерде

Көріп жүрсе де керемет істерімді,

Еркінсіп сынай берді төзімімді.

10 Бұл ұрпаққа қырық жыл ашуландым,

Сонымен былай деп қорыттым:

Жүрек қалаулары теріс бағыттағы

Осы халық тағылымымды*94:10 Яки: Менің тәлімімді. Немесе: Менің оларды жүргізбек жолдарымды. қабылдамады!

11 Қаһарланып ант еттім Мен сондықтан:

«Тыныштық сыйлау үшін Мен дайындаған

Елге кірмейді олар енді ешқашан!»