Забур жырлары 147

Халқына қамқоршы Жаратқан Иені дәріптеу

1 * 147:1 Осы жырдың аяттары бірнеше шетелдік аудармаларда 147:12-20 деп белгіленген. Уа, Иерусалим, Жаратқанды мадақта,

Уа, Сион, Құдайыңның даңқын асыра!

2 Қақпа ысырмаларыңды Ол нығайтқан,

Ішіңдегі халқыңды жарылқаған,

3 Таңдаулы астықпен оны тойындырады,

Шекараңа бейбітшілік орнатады.

4 Иеміз сөзін жер бетіне жолдайды,

Оның айтқандары лезде тарайды.

5 Жаратқан қарды мамықтай жаяды,

Қырауды да күлдей жерге шашады,

6 Бұршақты жұмыр тастай жаудырады,

Кім Оның аязына шыдай алады?

7 Кейін Ол бұйрығымен ерітеді мұзды,

Жылы жел соққызып, ағызады суды.

8 Иеміз Жақыпқа білдірді бұйрықтарын,

Исраилге заңдары мен жарлықтарын,*147:8 Яки: Жаратқан Ие Жақыптың үрім-бұтағына (яғни Исраил халқына) білдірді сөздерін, Исраилге жарлықтары мен шешімдерін.

9 Басқа ешбір халыққа Ол мұны істемеді,

Олар Оның шешімдерін*147:9 Яғни Жаратқан Ие Исраил халқына тапсырған Таурат заңы мен өзге хабарларын. білмей келеді.

Лайым мадақтаңдар Жаратқан Иені!