Забур жырлары 139

7 «Сен Құдайымсың, — дедім Жаратқанға, —

Уа, Ием, құлақ түрші жалынған даусыма.

8 Жаратушы Тәңір Ием, мықты құтқарушымсың,

Шайқас күні басымды дулығадай қорғадың.

9 О, Ием, зұлымға қалауын бермеші,

Оның сұм ойларын табысты етпеші,

Дұшпандарға көкіректерін көтертпеші».

10 Жауларым мені қоршауға алды жан-жақтан,

Ал зұлымдықтары ауыздарынан шыққан

Өз бастарына түсе берсін әрқашан!