Забур жырлары 32

Құдіретті де рақымды Құдайды мадақтау жыры

1 Әділдер, қуана мақтаңдар Жаратқанды,

Адал жандардың мақтауы жарасымды.

2 Жаратқанды домбырамен мадақтаңдар,

Он ішекті жетігенмен*32:2 Яғни жетігенге ұқсас ежелгі он ішекті күй аспабымен (143:9). күй тартыңдар,

3 Оған бағыштап жаңа ән айтыңдар,

Мәнерлеп ойнап, шаттана айқайлаңдар!

4 Өйткені Жаратқанның сөзі шынайы,

Ол бар істерін адалдықпен жасайды,

5 Иеміз әділет пен әділдікті қалайды,

Оның рақымына толы жердің барлығы.

6 Жаратқанның сөзімен аспан жаралды,

Аузының лебімен жұлдыздар да жасалды.