Забур жырлары 34

Құдайдан арамза жаулардан қорғауын өтіну

1 (Дәуіттің жыры.)

Менімен ерегісіп келгендермен

Сен Өзің ерегісе гөр, уа, Ием.

Маған қарсы күресіп келгендермен

Сен Өзің күресе гөр, уа, Ием.

2 Сауыт киіп, қалқаныңды қолыңа алшы,

Мені қолдап айқасуға дайындалшы.

3 Семсер суырып,*34:3 Немесе: Найза мен айбалтаны қолыңа алып. қуғыншыларды бөгеші,

«Мен Құтқарушыңмын!» деп жаныма жігер берші.