Забур жырлары 36

7 Шыдамды бол Жаратқанның алдында,

Шешімін күт сабырмен, еш асықпа!

Арам жоспарын іске асырған жанға,

Табысқа жеткен зұлымға ашуланба!

8 Ашу-ызаңнан қайт, бас қаһарыңды,

Сұмдыққа өршітпесін олар жаныңды.

9 Зұлымдық жасаушылар жойылып кетер,

Иемізге сенушілер елді иемденер.*36:9 Яғни Жаратқан Иемізге сенімін артқандар Оның еліндегі үлестерін мұра етіп иеленеді (24:13; 36:11,18,22,27,29,34).