Забур жырлары 44

6 Жебелерің үшкір, олар патшаның

Жауларының жүрегіне дәл қадалсын,

Барлық ұлттар да аяғыңа жығылсын.

7 Сенің тағың, о, Құдай,*44:7 Патша Құдайдың жер бетіндегі уәкілі болғандықтан, кейде «құдай» не «құдайдың (рухани) ұлы» деп те аталатын (2:7,12; Пат2 7:14). Дәуіттің кейінгі Ұрпағы Мәсіхтің өмірінде осы құрметті атау нақты түрде де шындыққа сай болды (Евр 1:8-9). сақталады мәңгілік,

Патшалығыңа жүргізесің әділ билік,*44:7 Немесе: Сенің патшалық асатаяғың — әділдік. (Асатаяқ патшалық биліктің бір белгісі болатын.)

8 Заңсыздықты жек көріп, әділдікті сүйесің,

Сондықтан да Құдай, өз Құдайың сенің,

Өзіңді тағайындап, сыйлады саған

Серіктеріңнен гөрі шаттықты молынан.*44:8 Яки: Сондықтан да Құдай, өз Құдайың сенің, қуаныштың иісмайын серіктеріңнен гөрі саған молынан құйды. (Сол заманда адамға иісмай құю оны сыйлауды немесе бір міндетке тағайындауды білдіріп, қуанышқа бөлейтін.)