Забур жырлары 68

3 «Батпаққа» терең батып бара жатырмын,

Аяқ басып тұрар жер таба алмаймын,

Судың тереңіне батқан адамдаймын,

Ағызып барады мені қатты ағын.

4 Жалбарына айқайлап қалжырадым,

Құрғап, кеуіп қалды менің тамағым,

Құдайымды күтіп талды қос жанарым.*68:4 Жыр 37:11; 118:82,123; Иш 28:14.

5 Басымдағы шашымнан көп дұшпандарым,

Себепсіз мені жек көреді жауларым,

Сұмдықпен мені қудалап келеді,

Алмаған нәрсемді талап етеді.