Salmos 51

4 உமக்கு எதிராக, உமக்கு எதிராக மட்டுமே நான் பாவம் செய்தேன்;

உமது பார்வையில் தீமையானதைச் செய்திருக்கிறேன்;

ஆதலால், உம்முடைய தீர்ப்பில் நீர் சரியானவர்,

உம்முடைய நியாய விசாரணையில் நீர் நீதியானவராயிருக்கிறீர்.

5 நிச்சயமாகவே நான் பிறந்ததிலிருந்து பாவியாயிருக்கிறேன்;

என் தாய் என்னைக் கர்ப்பந்தரித்ததில் இருந்தே நான் பாவியாய் இருக்கிறேன்.

6 ஆனாலும், நான் கருப்பையிலிருந்தே உண்மையாயிருக்க நீர் விரும்புகிறீர்;

அந்த மறைவான இடத்திலிருந்தே நீர் ஞானத்தை எனக்குத் தெரியப்படுத்துவீர்.

7 ஈசோப்புத் தளையினால் என்னைச் சுத்தப்படுத்தும், அப்பொழுது நான் சுத்தமாவேன்;

என்னைக் கழுவும், அப்பொழுது நான் வெண்பனியைப் பார்க்கிலும் வெண்மையாவேன்.

8 நான் மகிழ்ச்சியையும், சந்தோஷத்தையும் கேட்கும்படிச் செய்யும்;

நீர் நொறுக்கிய என் எலும்புகள் களிகூரட்டும்.

9 என் பாவங்களைக் காணாதபடி உமது முகத்தை மறைத்து,

என் எல்லா அநியாயத்தையும் நீக்கிவிடும்.