Salmos 68

3 ஆனால் நீதிமான்கள் மகிழ்ந்து

இறைவனுக்கு முன்பாகக் களிகூருவார்களாக;

அவர்கள் சந்தோஷப்பட்டு மகிழ்வார்களாக.

4 இறைவனைப் பாடுங்கள், அவருடைய பெயருக்குத் துதி பாடுங்கள்;

மேகங்களில் ஏறிப் போகிறவரை புகழ்ந்து உயர்த்துங்கள்;

யெகோவா என்பது அவருடைய பெயர்; அவருக்கு முன்பாகக் களிகூருங்கள்.

5 இறைவன் தமது பரிசுத்த வாழ்விடத்தில்

தகப்பன் இல்லாதவர்களுக்குத் தகப்பனாகவும்

விதவைகளுக்கு பாதுகாவலராகவும் இருக்கிறார்.