1 Olúwa, báwo ni àwọn ọ̀tá mi ṣe pọ̀ tó báyìí!

Báwo ni àwọn ti ó dìde sí mi ṣe pọ̀ tó!

2 Ọ̀pọ̀lọpọ̀ ni ó ń sọ ní ti tèmi, pé

"Ọlọ́run kò nígbà á là." Sela.

3 Ṣùgbọ́n ìwọ ni asà yí mi ká, Olúwa;

ìwọ fi ògo fún mi, ìwọ sì gbé orí mi sókè.

4 Olúwa ni mo kígbe sókè sí,

ó sì dá mi lóhùn láti orí òkè mímọ́ rẹ̀ wá. Sela.

5 Èmi dùbúlẹ̀, mo sì sùn;

mo sì tún padà jí, nítorí Olúwa ni ó ń gbé mi ró.

6 Èmi kì yóò bẹ̀rù ẹgbẹẹgbẹ̀rún ènìyàn

tí wọ́n rọ̀gbà yí mi ká.