சங்கீதம் 95

1 வாருங்கள், யெகோவாவை மகிழ்ச்சியோடு பாடுவோம்;

நம்முடைய இரட்சிப்பின் கன்மலையை சத்தமிட்டுத் துதிப்போம்.

2 நன்றியுடன் அவர்முன் வருவோம்;

இசையினாலும் பாட்டினாலும் அவரைப் புகழ்ந்து உயர்த்துவோம்.

3 யெகோவாவே மகா இறைவனாய் இருக்கிறார்;

எல்லாத் தெய்வங்களுக்கும் மேலான மகா அரசருமாய் இருக்கிறார்.

4 பூமியின் ஆழங்கள் அவருடைய கரத்தில் இருக்கின்றன;

மலை உச்சிகளும் அவருக்கே உரியவை.

5 கடல் அவருடையது, அவரே அதை உண்டாக்கினார்;

வறண்ட நிலத்தையும் அவருடைய கரங்களே உருவாக்கின.

6 வாருங்கள், நம்மை உண்டாக்கின யெகோவாவுக்கு முன்பாக

நாம் குனிந்து, பணிந்து, வழிபடுவோம்;

நாம் முழங்காலிடுவோம்.