19 Bawipaw nynh a bawitungkhung tuh
vaawlang khe tynsah vae zah,
a peenaw nynh atyn-are kha a uk.
20 A hopaw bya kha kawngae hae zah
a kawpyapaw a zui hae paw,
athungpaw a vaawccungccaw hae nanning,
Bawipaw kha thehoysah oh.
21 Bawipaw rynaw
a zuipaw a ryalahtu hae,
a vaaw rhawkaw hae balyn,
Bawipaw kha thehoysah oh.
22 A uknaw hmin takyh kya um hae paw,
amaw nynh a rae hae paw balyn,
Bawipaw kha thehoysah oh.
Pou ka muisaw, Bawipaw kha
thehoysah tua.