Seingaethyanaw hanlan Sawsangnaw
1 Pou Pachia, atynpaw
na sungsahnaw thyhte thaw yn ccitua;
na thawccinaw alepaw liate
ka cyiseimenaw kha
yn thyaasahpya tua.
2 Ka hoyleinaw kha marya yn singpah lah,
ka seinaw kyate yn thyaasah tua.
3 Pawccecize ka cyiseimenaw kha
ka nyhkuh zah,
ka seinaw tuh palei ka syntaw.
4 Nang kha rawsete namaw kya
ccaccei phe ka sei vae,
na muihnaw kya hoyleinaw
phe ka rae vae,
tukeiccuze na byapaenaw tuh kyh zah,
bya na pianaw kya ccaenaw um khyh.51.4: Rom 3.4
10 Pou Pachia, ka lungkhu kya
athyaapaw thinlung kha raetua,
athawpaw te akyhpaw tuanaw kha
ka lungkhu kya yn sangtua.
12 Na khumnaw kyate yn thuapaw
lungtuanaw kha bua yn pya lah,
kawngaenaw thinlung kha yn hoisah.
17 Pachia nynh a rypaw silawnaw tuh
akoipaw thinlung nynh thua;
Pou Pachia, akoipaw te angaesikuhpaw
thinlung kha na vua he khyh.