1 Pou Pachia, ka sianaw roi kha

yn thaepya tua;

ka sawsangnaw kha yn ngaepya tua.

2 Ka lungthaw he azya tuh,

laephi athangnaw kyate

nang kha kae ko.

Kae laeze ahang huapaw lungpi kalan

yn cciakhae tua;

3 pawccecize nang tuh ka khynnaw,

rhaw hae kha rawsenawpaw atynpaw

rhawviainn ahangpaw nynh na thua.

4 Na bu kya zungzae yn umsah,

na sake adawkuhpaw kaw kya

khynnaw kha yn muihsah.

5 Pou Pachia, ka byakinnaw kha

phe na thae vae;

na min rawrih hae paw rho kha

phe nae pya vae.

6 Siapharan hiinshe kha saesah tua;

amaw ccyh tuh zungzae la tyn vae sah.

7 Pachia malang bawitungkhung kya

zungzae haung vae sah;

atynpaw na sungsahnaw te

na lungzinaw nynh amaw kha

la rin vae sah!

8 Bya ka kinkupaw kha nin kheit koute

nin kheit ka pya lalia lante

na min thehoysahnaw hlaw kha

ka sah zungzae cih.