SAM 103

Pachia Hoynaw

1 Pou ka muisaw,

Bawipaw kha thehoysah tua,

ka lungkhu umpaw balyn,

a min thyaapaw kha thehoysah oh.

2 Pou ka muisaw, Bawipaw kha

thehoysah lah,

a thawccinaw balyn kha ning nan.

3 Aning tuh na seinaw balyn kha

ae ngaethyatupaw thua zah,

na ccinaw balyn kha

ae dansahtupaw nynh thua.

4 Na hiinnaw kha Hunghuapi kyate

ae shawkhawpaw thua zah,

atynpaw sungsahnaw te

thawccinaw khate nang kha

bawilukhung ae khungsahpaw nynh thua.