Salmos 32

Seingaethyanaw te Lungtuanaw

1 A seinaw kha ngaethya athuapaw tuh

lungtuapaw nynh thua,

a seinaw kha bongpya athua vae.✝32.1-2: Rom 4.7-8

2 Bawipaw nynh na sei khyh a cipaw,

a thinlung kya lingnaw a um leipaw

ccungccaw tuh lungtuapaw nynh thua.

3 Ka seinaw phyku leite he ka um tuh,

anin ninlang ka hawkhaeku keiccuze

ka pynsaw phe voi.

4 Pawccecize khuazi khuadae

na kuih nynh phang yn ne;

hawnin asopaw keiccuze karae arou hawte

ka thawzung tuh karae rou.

5 Tetuh ka cyiseimenaw kha

na kya ka phykuh zah,

ka hoyleinaw kha ka thuruh khyh;

"Ka seimenaw kha Bawipaw kalan

ka phykuh cih," ka ci zah,

ka seinaw kha nae ngaethya vae.

6 Tukeiccuze mih lungzi hae paw balyn nynh

vawsaw ccyh lya

na kalan sawsang hae sah;

tui lepaw nynh minmin kha

thuanua lan khyh hae.