4 Ani ate’n jallateenne; dhugaaten, atee calla balleessennen;

ille atixxi eddonna fuggoxxa yaane asseennen;

Tennexxee ane’n murte uwwa atixxinna,

anee mura woxisa atixxi seeraken.✝

5 Reefi ama anxi anee’e siila’witee wodda cubbaaleessake,

ilemenne woddanna balleessanjokeman.

6 Kunse, ati manjiinxe qalbe giddo dhuga’a uuddotaa halchitatton;

tennexxee beekkumiinxa buqo yaane anee barachchiisi.

7 Hisoophike shafinni fiffixxe cubbotenaa’n anee luqqi assi,

aninna qulloommannon;

anee anshi aninna kaadeti calla gola’lannon.

8 Gammadokanna illilleete anee laqisi;

anee enqite’e butuchchiteetek anki micinna gammaddowwal.

9 Cubbo anxa uuddoxxe’e;

balleessa anxa duuchchanna anenaa’n fiyi.