Salmos 3

Rhaw laku kya Pachia Doliakunaw

1 Pou Bawipaw , ka rhaw hae tuh

paw alung hae baban! Kae kha rawsete

yn thonuakuh hae paw myarya alung;

2 "Pachia nynh bawm lan khyh," cite

ka konglang a hopaw patae a um hae.

3 Thuasalama, pou Bawipaw ,

nang tuh yn thungkhawpaw

khawriaphua na thua zah,

ka phu-enaw te ka lu

yn hangthungpaw nynh na thua.

4 Bawipaw kalan thawte

ka sia zah,

athyaapaw a mua kyate yn leih.

5 Bawipaw nynh yn bawm keiccuze

ka huekuh zah ka ihtheih; te bua ka tho.

6 Kae kha yn rawse hae zah

yn koihlu hae paw

ccungccaw athong-asan hae kha

ka rih khyh hae.