1 * Neno la BWANA kwa Bwana wangu,

Uketi upande wangu wa kulia,

Hadi niwafanyapo adui zako

Kuwa chini ya miguu yako.

2 BWANA atainyosha toka Sayuni

Fimbo ya nguvu zako.

Uwe na enzi kati ya adui zako;

3 * Watu wako watajitoa kwa hiari,

Siku ya uwezo wako;

Kwa uzuri wa utakatifu,

Tokea tumbo la asubuhi,

Unao umande wa ujana wako.

4 * BWANA ameapa,

Wala hataghairi,

Ndiwe kuhani hata milele,

Kwa mfano wa Melkizedeki.

5 * Bwana yu mkono wako wa kulia;

Atawaponda wafalme,

Siku ya ghadhabu yake.

6 * Atahukumu kati ya mataifa,

Ataijaza nchi mizoga;

Atawaponda wakuu katika nchi nyingi.

7 * Atakunywa maji ya mto njiani;

Kwa hiyo atakiinua kichwa chake kwa ushindi.